23 кастрычніка 2025 в 10:57 | Навіны

З 20 па 24 кастрычніка 2025 года ў Мінску праходзіць выязная стажыроўка «Саюзная дзяржава: прыярытэты развіцця», арганізаваная для кіраўнікоў федэральнага і рэгіянальнага ўзроўню, уключаных у Федэральны кадравы рэзерв на дзяржаўнай грамадзянскай службе Расійскай Федэрацыі. Больш за 70 удзельнікаў з 20 рэгіёнаў Расійскай Федэрацыі прыбылі ў Рэспубліку Беларусь для таго, каб вывучыць вопыт Рэспублікі Беларусь у сістэме дзяржаўнага кіравання.

У рамках мерапрыемства ўдзельнікі наведалі Парк высокіх тэхналогій, дзе пазнаёміліся з дасягненнямі IT-сектара Беларусі, рашэннямі кампаній-рэзідэнтаў ПВТ у галіне цыфравізацыі кіравання, уключаючы тыя, якія могуць быць запатрабаваныя на расійскім рынку.

Цэнтр інфармацыйных тэхналогій Міністэрства працы і сацабароны Рэспублікі Беларусь прадставіў пакет лічбавых рашэнняў для сацыяльнай сферы – комплексныя сістэмы кіравання сацыяльнымі паслугамі, сучасныя інструменты для дакладнага разліку пенсій і дапамог, платформы для эфектыўнага пошуку працы і падбору персаналу.

Прадстаўлены праект уласнай распрацоўкі АІС «ТЦСОН» – комплекснае рашэнне цыфравізацыі дзейнасці ўстаноў сацыяльнага абслугоўвання. Гэтая сістэма забяспечвае аўтаматызацыю асноўных працэсаў дзейнасці ўстаноў сацыяльнага абслугоўвання насельніцтва, а таксама эфектыўна ўзаемадзейнічае са знешнімі рэсурсамі (інфармацыйны рэсурс сістэмы Мінпрацы з убудаваным асабістым кабінетам) для прыёму анлайн-заявак грамадзян на аказанне сацыяльных паслуг.

Таксама ЦIТ Мінпрацы прадэманстраваў праграмны прадукт «Iнтэграцыйнае рашэнне ўзаемадзеяння тыпавога праграмнага забеспячэння уніфікаванай сістэмы пошуку «Праца без межаў»», накіраваны на ўзаемадзеяннi з інфармацыйным парталам дзяржаўнай службы занятасці.