4 мая 2026 в 16:20 | Навіны

Урачыстыя мерапрыемствы, прысвечаныя Святу працы, стартавалі з цырымоніі ўскладання кветак да стэле «Мінск-горад-герой» у памяць аб загінуўшых. У ёй прынялі ўдзел прадстаўнікі дзяржорганаў, адміністрацыі, прафсаюзаў, працоўных калектываў, актывістаў ВА ГА “БРСМ” і грамадскасці. Удзельнікі падкрэслілі важнасць традыцый свята, якое сімвалізуе адзінства людзей, працы і павагу да прафесіяналізму. Кульмінацыяй свята стаў працяг мерапрыемства ў Парку Перамогі.

Супрацоўнікі дзяржаўнага прадпрыемства «ЦЫТ Мінпрацы і сацабароны» разам з членамі сваіх сем’яў прынялі ўдзел у маштабным свяце ў Парку Перамогі, дзе разгарнулася вялікая святочная праграма.

Тут адбывалася ўшанаванне працоўных дынастый з усёй краіны і канцэртная праграма з удзелам артыстаў беларускай эстрады і творчых калектываў.

Таксама працавалі дзясяткі інтэрактыўных і выставачных пляцовак, арганізаваных галіновымі прафсаюзамі і сацыяльнымі партнёрамі.

Работнікі прадпрыемства разам з членамі сваіх сем’яў пазнаёміліся з прадукцыяй айчыннай прамысловасці, прынялі ўдзел у майстар-класах, паўдзельнічалі ў квэстах. Акрамя таго, у наведвальнікаў мерапрыемства была магчымасць сфатаграфавацца ў тэматычных фотазонах і прымерыць на сябе розныя прафесіі.

Свята аб’яднала людзей розных прафесій і пакаленняў. Агульная справа – павага да гісторыі, працы і подзвігу – аказалася мацнейшай за любыя ўзроставыя межы і прафесійныя адрозненні.